Olimpiada · Yuzma-yuz
Beshta nufuzli xalqaro olimpiada (IMO, IPhO, IChO, IBO, IOI) uchun Oʻzbekiston terma jamoalarini shakllantirish boʻyicha uch bosqichli davlat saralashi; unga Asosiy olimpiadaning hududiy bosqichida yuqori natija koʻrsatganlar va boshqa belgilangan toifadagi oʻquvchilar taklif etiladi.
Nufuzli xalqaro olimpiadalarga saralash birinchi guruh fanlari (matematika, fizika, kimyo, biologiya, informatika va AT) boʻyicha oʻtkaziladi. Barcha bosqichlarda ishtirokchilarga sinfidan qatʼi nazar bir xil nazorat materiallari beriladi, natijalar sinflarga ajratilmaydi. Ikkinchi bosqichdan oʻtganlar uchun tajribali oʻqituvchilar, OTM professor-oʻqituvchilari, xorijiy mutaxassislar va xalqaro sovrindor trenerlar ishtirokida mahorat darslari va kuchaytirilgan mashgʻulotlar tashkil etiladi. Soʻngra uchinchi bosqichda eng yuqori ball toʻplaganlardan har bir olimpiada kvotasi asosida terma jamoa tuziladi.