Stipendiya · Yuzma-yuz
SAT natijasi 1200 va undan yuqori boʻlgan abituriyentlar sertifikat fani kirish imtihonlari tarkibida boʻlgan davlat OTMlari bakalavriat yoʻnalishlariga qoʻshimcha, toʻlovsiz davlat granti asosida qabul qilinadi.
Vazirlar Mahkamasining 578-son qaroriga koʻra, College Board tashkilotining SAT imtihonida eng yuqori ballning 75 foizi — 1200 va undan yuqori ball olgan abituriyentlar sertifikat fani kirish imtihonlari tarkibida mavjud bakalavriat yoʻnalishlariga qoʻshimcha davlat granti asosida qabul qilinadi. Imtihonsiz qoʻshimcha davlat granti imtiyoziga ega abituriyentlar taʼlim shaklidan qatʼi nazar, roʻyxatdan oʻtishda tanlagan birinchi yoʻnalishga qabul qilinadi. Davlat komissiyasi belgilagan minimal oʻtish ballariga amal qilinadi, imtiyoz bilan davlat grantidan faqat bir marta foydalanish mumkin. Shu nizomga koʻra, “B” va undan yuqori darajadagi A level hamda 32 va undan yuqori balli IB sertifikati egalari grant emas, bazaviy toʻlov-kontrakt asosida qabul qilinadi.