Stipendiya · Yuzma-yuz
Yetim bolalar, Mehribonlik uylari bitiruvchilari va ota-ona qaramogʻidan mahrum boʻlgan boshqa bolalar (25 yoshgacha) OTMlarga umumiy qabulga qoʻshimcha ravishda 1 foizgacha ajratiladigan toʻlovsiz davlat granti oʻrinlari uchun tanlovda qatnashadi.
Vazirlar Mahkamasining 578-son qaroriga koʻra, Mehribonlik uylari, bolalar shaharchalari, SOS — bolalar mahallalari va oilaviy bolalar uylari bitiruvchilari, vasiylik, homiylik yoki patronatdagi yetim bolalar, ota-ona qaramogʻidan mahrum boʻlgan bolalar, topib olingan bolalar va yolgʻiz onasi vafot etgan bolalar uchun OTMlarga umumiy qabulga qoʻshimcha ravishda 1 foizgacha davlat granti oʻrinlari ajratiladi. Bu oʻrinlarni Davlat komissiyasi OTMlar va taʼlim shakllari kesimida taqsimlaydi. Alohida oʻrinlar doirasida tavsiya etilmagan abituriyentlar oʻz ballari bilan umumiy tanlovda qatnashadi. Imtiyoz bilan davlat grantiga faqat bir marta qabul qilinish mumkin.