Stipendiya · Yuzma-yuz
I yoki II guruh nogironligi boʻlgan abituriyentlar OTMlarga davlat granti asosidagi qabulning 2 foizi miqdoridagi qoʻshimcha toʻlovsiz oʻrinlar uchun tanlovda qatnashadi va test toʻlovini toʻlamaydi.
Nogironligi boʻlgan shaxslarning huquqlari toʻgʻrisidagi 641-son qonunning 40-moddasiga koʻra, nogironligi boʻlgan shaxslar uchun davlat granti asosidagi umumiy qabul sonining 2 foizi miqdorida qoʻshimcha kvota belgilangan. Ushbu kvota boʻyicha qabul kirish imtihonlari natijalariga koʻra amalga oshiriladi. Agentlik maʼlumotiga koʻra, eng yuqori ballning kamida 30 foizini toʻplagan abituriyentlar ballar ketma-ketligi boʻyicha kvota doirasida tavsiya etiladi. Kvota doirasida qabul qilinmaganlar oʻz ballari bilan umumiy tanlovda qatnashadi. Imtihon binolari qulay boʻlishi, eshitish yoki nutqida nuqsoni boʻlgan abituriyentlar esa surdotarjimon bilan taʼminlanishi shart.