Stipendiya · Yuzma-yuz
Raqamli texnologiyalar vazirligi TATU va uning filiallari qoshidagi akademik litseylar oʻquvchilariga oylik stipendiya tayinlaydi, har bir litseyga har yili 1 ta stipendiya. Ariza iyul–avgust oylarida IT-Istedod portali orqali onlayn topshiriladi.
Stipendiya Raqamli texnologiyalar vazirligining 2023-yil 28-fevraldagi 62-son buyrugʻi bilan tasdiqlangan nizom asosida tayinlanadi. Muhammad al-Xorazmiy nomidagi Toshkent axborot texnologiyalari universiteti (TATU) va uning filiallari qoshidagi har bir akademik litseyga har oʻquv yilida 1 ta stipendiya ajratiladi. Litsey nomzodlari 100 ball tizimida baholanadi: soʻnggi ikki semestr baholari (20), xorijiy til darajasi (20), xalqaro IT-sertifikat (20), fan olimpiadalari (20), hakaton yoki IT-tanlovlar (10), esse va ijtimoiy faollik (10). Stipendiya sohiblari grant asosida xorijga oʻqishga yuboriladigan yoshlar guruhlariga kiritilishda ustunlikka ega boʻladi.